На ден 10.11.2021 делегацијата на БФРСМ во состав од Претседателот Дејан Богданов,Спортскиот Директор Сократ Ефтимовски, Генералниот Секретар Љубомир Лазаревски и Техничкиот Секретар на БФРСМ Драгана Савева одржаа деловна средба со Градоначалникот на Општина Струмица Костадин Костадинов.
![](https://bfrsm.mk/wp-content/uploads/2021/11/viber_image_2021-11-10_11-48-59-194-1-1024x768.jpg)
Претставниците на БФРСМ беа пријатно пречекани од страна на Градоначалникот Костадин Костадинов.
На оваа средба претседателот на БФРСМ-Дејан Богданов го информира Градоначалникот на Општина Струмица за претстојниот
45 -ти Традиционален Меѓународен Турнир во борење-слободен стил за Сениори ,,Македонски Бисер “ – кој оваа година ќе се одржи во градот Струмица од 19.11.2021 и ќе трае до 21.11.2021 година.
На турнирот планирано е да земат учество борачи од повеќе држави меѓу кои и :
Русија,Куба,Романија,Молдавија,Албанија,Хрватска,Бугарија,Србија,Англија Словачка,Косово и репрезентацијата на Република Северна Македонија со тим А и Б селекција.
Турнирот оваа година е во техничка организација на боречкиот клуб
,,Извор-Јуниор” од Струмица.
Градоначалникот Костадинов ни вети максимална подршка за успешна организацијата на овој турнир и пријатен престој на учесниците во Градот Струмица.
Претседателот Богданов го покани Градоначалникот на Општина Струмица да присуствува на четериесет и петото издание на Меѓународниот Турнир -,,Македонски Бисер”.
Борбите ќе се одржат на 20.11.2021(сабота) со почеток од 10:00 часот, борбите за трето и петто место од 16:00 часот а Свеченото Отварање,Финалните Борби за прво и второ место и доделувањето на медалите со почеток од 17:00часот.